زابل؛ ميزانه ولسوالۍ کې د ۱۵۰ غېږنيونکو ترمنځ د غېږ نيونې سيالۍ پيل شوې
د زابل ولايت د بدني روزنې او ورزش آمريت په همغږۍ، د ملي او دوديزو لوبو مدیریت له لوري د ياد ولايت په ميزانه ولسوالۍ کې د ۱۵۰ غېږنيونکو ترمنځ د غېږ نيونې سيمه ييزې آزادې سيالۍ پيل شوې.
دا سيالۍ د ميزانه، ارغنداب، شاولي کوټ، دامان، شهرصفاء او د مرکز اړوند ترنگ د سيمې غېږنيونکو ترسره کېږي.
د يادو سياليو موخه ملي او دوديزو لوبو ته وده ورکول او د دې ولسوالۍ وگړو لپاره د سالمې تفريح برابرول دي، چې درې ورځې به دوام وکړي.
