زابل؛ شاجوی ولسوالۍ کې د ۱۲ لوبډلو ترمنځ د فوټبال سيالۍ پای ته ورسېدې
د زابل ولايت د بدني روزنې او ورزش آمريت اړوند د فوټبال فدراسيون د استازولۍ له لوري د ياد ولايت په شاجوی ولسوالۍ کې د ۱۲ لوبډلو ترمنځ د ۲۰۲۵ کال د فوټبال ليگ سيالۍ، چې پنځه اوونۍ مخکې پيل شوې وې د مکتب لوبډلې په اتلولۍ پای ته ورسېدې.
د دغو سياليو په پايلوبه کې مکتب لوبډلې خپلې سيالې مشال لوبډلې ته د ۳ پر صفر گولونو په توپير ماتې ورکړه او اتلولي يې وگټله.
د يادو سياليو موخه د غوره لوبغاړو موندل وو او په پای کې د ياد ولايت د ورزش آمريت له لوري اتلې لوبډلې ته د اتلولۍ جام او لوبغاړو ته ورزشي توکي ورکړل شول.
