د بېس بال ٢٦ کسیزې لوبډلې د بېسبال نړۍوالو سیالیو ته د چمتووالي په موخه کابل کې تمرینات پیل کړل
د بدني روزنې او ورزش عمومي ریاست اړوند د هاکي ملي فدراسیون له لوري د بېس بال ورزشي رشتې ٢٦ کسیزې لوبډلې په غازي سټډیوم کې د بېس بال نړۍوالو سیالیو کې د ګډون په موخه تمرینات پیل کړل.
د بېس بال دغه نړۍوالې سیالۍ به د اوو هېوادونو؛ ایران، افغانستان، پاکستان، بنګله دېش، سري لنکا، هندوستان او فلسطین ترمنځ د راتلونکې مې میاشتې پر ١٥مه نېټه د ایران په کوربه توب په کرج ښار کې پیل او د همدې میاشتې تر ٢١مې نېټې به دوام وکړي.
ټاکل شوې چې د افغان ورزشکارانو پیل شوي تمرینات به لس ورځې دوام وکړي او په پای کې به یې ١٨ تنه په دغو سیالیو کې د ګډون لپاره غوره شي.
