خوست؛ علیشېرو ترېزیو ولسوالۍ کې د ۳۵ لوبډلو ترمنځ د فوټبال سیالۍ پای ته ورسېدې
د خوست ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په علیشېرو ترېزیو ولسوالۍ تاترې سیمه کې د ۳۵ لوبډلو ترمنځ د فوتبال سیالۍ د سرکیو بوړیو لوبډلې په اتلولي پای ته ورسېدې.
د یادو سیالیو پایلوبه د سرکیو بوړیو او میچن بابا لوبډلو ترمنځ ترسره شوه، چې په پایله کې یې سرکیو بوړیو لوبډلې د ۳ پر یو ګول په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ د ځوانانو لپاره د سالمې تفرېح د برابرولو په موخه ترسره شوې، چې ۴۵ ورځې یې دوام وکړ او په پای کې اتلې لوبډلې ته یو عراده موټرسایکل ورکړل شو.
