خوست کې د ۱۶ لوبډلو ترمنځ د کبډي ټاکنيزې سيالۍ پای ته ورسېدې
د خوست ولايت د بدني روزنې او ورزش آمريت اړوند د کبډي فدراسيون د استازولۍ له لوري د اسماعيل خېلو مندوزيو ولسوالۍ په بهرام خېلو صحرا ښوونځي کې د ۱۶ لوبډلو ترمنځ د ياد ولايت منتخبې لوبډلې ته د غوره لوبغاړو ټاکلو په موخه د کبډي ټاکنيزې سيالۍ، چې يوه مياشت مخکې پيل شوې وې، د صوفي کمانډو لوبډلې په اتلولۍ پای ته ورسېدې.
د دغو سياليو په پايلوبه کې صوفي کمانډو لوبډلې خپلې سيالې جاويد پهلوان لوبډلې ته د ۴۳/۴۴ نمرو په توپير ماتې ورکړه او اتلولي يې خپله کړه او همدارنگه د دې ترڅنگ ۱۵ لوبغاړي لويانو لوبډلې ته او ۱۵ لوبغاړي بيا ځوانانو لوبډلې ته غوره شول.
