په تخار کې د المپيک، بدني روزنې او ورزش عمومي رياست اړوند د ورزشي فدراسيونونو ملي لوبغاړو ته د عصريې وېش پيل شو
د المپيک بدني روزنې او ورزش عمومي رياست له لوري ورزشکارانو ته د عصريې د وېش په دوام په تخار ولايت کې د ورزشي فدراسيونونو په ملي لوبغاړو، د ياد رياست د عصريې د وېش کمېټې د مسول قاري حيات الله رحماني له لوري د عصريې د وېش بهير پيل شو.
دغه وېش څه موده وړاندې په مرکز کابل کې پيل شوی و او ژمنه شوې وه، چې د هېواد ټولو ولايتونو ته به ياده پروسه انتقالېږي او پر ملي لوبغاړو به عصريه وېشل کېږي، چې له نېکه مرغه نن د نوموړې کمېټې د مسول له لوري ياده پروسه په دغه ولايت کې هم پيل شوه.
هېره دې نه وي، چې دغه پروسه به د هېواد په نورو ولايتونو کې هم ورته مخکې ځي او پر ټولو ملي لوبغاړو به د وېش بهير په چټکتيا دوام ولري.
