هلمند؛ نوزاد ولسوالۍ کې د لسو لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په نوزاد ولسوالۍ کې د لسو لوبډلو ترمنځ د ټېپ بال کرېکټ سیالۍ د مرکزي اتلانو لوبډلې په اتلولي پای ته ورسېدې.
د یادو سیالیو پایلوبه د کلي بادام او مرکزي اتلانو لوبډلو ترمنځ ترسره شوه. د لوبې پچه مرکزي اتلانو لوبډلې وګټله او لومړی یې توپوهنه وکړه، چې په ټاکلو ١٤ اورونو کې یې خپلې سیالې لوبډلې ته د ٢١٣ منډو هدف وټاکه. کلي لوبډلې د هدف په تعقیب کې د ټولو ویکټو په زیان ١٥٨ منډې وکړې او د ٥٤ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې درې اوونۍ یې دوام وکړ.
