خوست؛ یعقوبیو صبریو ولسوالۍ کې د والیبال رمضان جام سیالۍ د بلال مندوزي لوبډلې په اتلولي پای ته ورسېدې
د خوست ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت یعقوبیو صبریو ولسوالۍ کې د ۴۸ لوبډلو ترمنځ د رمضان جام سیالۍ د بلال مندوزي لوبډلې په اتلولي پای ته ورسېدې.
د یادو سیالیو پایلوبه د تڼیو منتخبې او بلال مندوزي لوبډلو ترمنځ ترسره شوه، چې په پایله کې یې بلال مندوزي لوبډلې د ۲۶/۳۵ نمرو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د سیالۍ په پای کې ګټونکې لوبډلې ته او غوره لوبغاړو ته چمتو شوې ډالۍ ورکړل شوې.
