کندز؛ امام صاحب ولسوالۍ کې د ۴۰ چاپندازانو ترمنځ د وزلوبې سيالۍ ترسره شوې
د کندز ولايت د بدني روزنې او ورزش رياست اړوند د وزلوبې ملي فدراسيون او د عبدالستار حکمت زاده په مالي ملاتړ د امام صاحب ولسوالۍ د وزلوبې په ورزشي لوبغالي کې د ۴۰ چاپندازانو ترمنځ د وزلوبې سيالۍ ترسره شوې.
دغه سيالۍ، چې يوه ورځ يې دوام وکړ، په پايله کې د ميدان حکم له لوري دوه آخرالاقه اعلان شول، چې لومړی سرور پهلوان او دويم بيا مطيع الله نظري پهلوان تر حلالې دايرې ورساوه.
د دغو سياليو د ترسره کېدو موخه د چاپندازانو ظرفيت لوړول او خلکو ته د سالمې تفريح برابرول ښودل شوي وو.
