خوست؛ نادر شاه کوټ ولسوالۍ کې د ۱۲ لوبډلو ترمنځ د ټېپ بال کرکټ سيالۍ پيل شوې
د خوست ولايت د بدني روزنې او سپورټ آمريت اړوند د ټېپ بال کرکټ فدراسيون د استازولۍ له لوري په الماس ورزشي لوبغالي کې د ۱۲ لوبډلو ترمنځ د ټېپ بال کرکټ سيالۍ د مقبلو لوبډلې په بريا پيل شوې.
د يادو سياليو لومړۍ لوبه د مقبلو او تاروځي کلب لوبډلو ترمنځ ترسره شوه، چې په پايله کې تاروځي کلب لوبډلې په ټاکلو لسو اورونو کې د ټولو لوبغاړو په سوځېدو سره خپلې سيالې لوبډلې ته ۹۹ منډو هدف کېښود، مقبلو لوبډلې ياد هدف په اتم اور کې تر لاسه کړ او د ۶ ويکټو په توپير يې بريا خپله کړه.
د يادونې وړ ده، چې دغه سيالۍ به ۱۵ ورځې دوام وکړي.
