ننگرهار؛ د مملې لوبډلې د خپلواک افغانستان په نوم د واليبال سياليو اتلولي وگټله
د ننگرهار ولايت د بدني روزنې او سپورټ رياست اړوند د واليبال فدراسيون د استازولۍ له لوري د دې ولايت په مرکز جلال اباد ښار کې د ۳۲ لوبډلو تر منځ د خپلواک افغانستان په نوم د واليبال سيالۍ د مملې لوبډلې په اتلولۍ پای ته ورسېدې.
د يادو سياليو پايلوبه د مملې او هډې فارم لوبډلو تر منځ ترسره شوه، چې په پايله کې سيالۍ ۲/۲ مساوي پای ورسېده، خو د وخت د کمښت له امله د واليبال فدراسيون د مسؤلينو له لوري د اتلولۍ جام مملې لوبډلې ته ورکړل شوو، چې د سيالې لوبډلې په پرتله يې ښه لوبه نندارې ته وړاندې کړې وه.
د دغو سياليو د ترسراوي موخه له نظام څخه ملاتړ و، چې شاوخوا يوه مياشت يې دوام وکړ.
