ننګرهار؛ خوږياڼو ولسوالۍ کې بېلابېلې ورزشي نندارې تر سره شوې
د ننګرهار ولايت د بدني روزنې او ورزش رياست لۀ لورې، د ياد ولايت په خوږياڼو ولسوالۍ شام خصوصي لېسې انگړ کې د سالمې تفريح په موخه د گڼ شمېر مينوالو په شتون کې بېلابېلې ورزشي نندارې تر سره شوې.
په يادو نندارو کې د نصرت شېرزاد له خوا په گرمو غوړو لاسونه او مخ پرېمنځل، د خولې او ستونې په وسېله سېخ کږکول، شل غوزان په تندي ماتول او د دې ترڅنگ د ځينو ورزشکارانو لۀ خوا سوک وهنې، جمناستيک او د ووشو نندارې هم وړاندې شوې.
هېره دې نه وي، دا لومړی ځل و چې په يادې ولسوالۍ کې داسې نندارې ترسره کېږي.
