خوست؛ په مندوزیو ولسوالۍ کې د ځوانانو یووالي په نوم د والیبال سیالۍ پیل شوې
د خوست ولایت د بدني روزنې او ورزش آمریت له لوري د یاد ولایت د مندوزیو ولسوالۍ اړوند بهرام خېلو کلي کې د ځوانانو یووالي په نوم د ۲۲ لوبډلو ترمنځ د والیبال سیالۍ پیل شوې.
د دغو سیالیو د پیل مراسمو کې د یاد ولایت د ورزشي آمریت د ولسوالیو ورزشي مدیر، فعالو ځوانانو، لوبغاړو او د ورزش ګڼو مینوالو ګډون کړی و، چې د پیل لوبه یې د بهرام خېلو ب او کوچه خېلو لوبډلو ترمنځ ترسره شوه، چې کوچه خېلو لوبډلې د ۲-۰ میدانونو په توپیر وګټله.
ټاکل شوې چې یادې سیالۍ به ۱۵ ورځې دوام وکړي.
