رطوفان لوبډلې د دایکندي ولایت تر ۱۷ کلنو کم عمره د فوتسال جام سیالیو اتلولي وګټله
تر ۱۷ کلنو د کم عمره فوټسال جام سیالۍ چې څلور اوونۍ وړاندې د دایکندي په ناصر خسرو ورزشي جمنازیون کې د ۲۷ لوبډلو ترمنځ پیل شوې وې، تېره ورځ د طوفان مرکز لوبډلې په ګټه پای ته ورسېدې.
د دغو سیالیو په پايلوبه کې د طوفان مرکز لوبډلې د ۵-۱ ګولونو په توپير ارمان شهید لوبډلې ته ماتې ورکړه.
روح الله جعفري د غوره لوبغاړي او نصرت الله قاسمي د دې سیالیو د غوره ګول وهونکي په توګه وټاکل شول.
په پای کې ګټونکو لوبډلو او غوره ورزشکارانو ته کپونه او جایزې هم ورکړل شوې.
