هلمند؛ مرکز لښکرګاه ښار کې د ١٦ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت له لوري د یاد ولایت به مرکز لښکرګاه ښار کې د ١٦ لوبډلو ترمنځ د فوټبال سیالۍ د هلمندي ستورو لوبډلې په اتلولي پای ته ورسېدې.
د یادو سیالیو پایلوبه کې هلمندي ستورو لوبډلې د ٢ پر صفر ګولونو په توپیر خپلې سیالې نوي فولاد لوبډلې ته ماتې ورکړه او اتلولي یې وګټله.
دا سیالۍ د فوټبال راتلونکو سیالیو ته د لوبغاړو د لا چمتو والي په موخه ترسره شوې، چې یوه نیمه میاشت یې دوام وکړ.
