هلمند؛ مارجې ولسوالۍ کې د ۱۲ لوبډلو ترمنځ د والیبال سیالۍ پای ته ورسېدې
د هلمند ولایت د بدني روزنې او ورزش آمریت له لوري د یاد ولایت په مارجې ولسوالۍ کې د ۱۲ لوبډلو ترمنځ د والیبال سیالۍ د نهم بلاک لوبډلې په اتلولي پای ته ورسېدې.
د یادو سیالیو پایلوبه کې نهم بلاک لوبډلې د دوه پر صفر میدانونو په توپیر خپلې سیالې عظیمي لوبډلې ته ماتې ورکړه او اتلولي یې وګټله.
د یادو سیالیو د پای په مراسمو کې د ورزش ادارې عمومي رئیس مولوي احمدالله وثیق، د یاد ریاست فني او مسلکي مرستیال حافظ احمدجان ځدراڼ او ورسره پلاوي هم ګډون کړی و.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې دوې ورځې یې دوام وکړ.
