پکتیا کې د ۴۳ ترمنځ د والیبال سیالۍ پیل شوې
د پکتیا ولایت د بدني روزنې او ورزش ریاست اړوند د والیبال فدراسیون د استازولۍ له لوري د مرکز گردېز ښار په غړک سیمه کې له اتو ولایتونو د ۴۳ لوبډلو تر منځ د والیبال دوستانه سیالۍ پیل شوې.
په دغو سیالیو کې له کابل، لوگر، خوست، ميدان وردگ، پکتیکا، ننگرهار، لغمان او کوربه پکتیا ولایتونو څخه لوبډلو گډون کړی، چې په لومړۍ لوبه کې عثمان خېلو لوبډلې خپلې سیالې ابراهیم خېلو لوبډلې ته د ۱/۲ میدانونو په توپیر ماتې ورکړه او بریا یې په خپل نوم کړه.
دا سیالۍ د سیمې د خلکو لپاره د سالمې تفريح برابرولو په موخه پیل شوې، چې ۲۰ ورځې به دوام وکړي.
