ارزګان؛ مرکز ترينکوټ ښار کې د دېرش لوبډلو ترمنځ د ټېپ بال کرېکټ سیالۍ پیل شوې
د ارزګان ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز ترينکوټ ښار کې د دېرش لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د ګولډن سټار او ځوان پاچا لوبډلو ترمنځ ترسره شوه. د لوبې پچه ګولډن سټار لوبډلې وګټله او لومړی یې توپوهنه وکړه، چې په ټاکلو لسو اورونو کې یې خپلې سیالې لوبډلې ته د ١١٨ منډو هدف وټاکه. ځوان پاچا لوبډلې د هدف په تعقیب کې د پنځو ویکټو په زیان ٩٩ منډې وکړې او د ١٨ منډو په توپیر یې لوبه وبایلله.
دا سیالۍ ورزش ته د ځوانانو د هڅولو په موخه پیل شوي دي، چې شل ورځې به دوام وکړي.
