کندهار ښار کې د ۲۱ ورزشکارانو ترمنځ د تيږې اچونې سيالۍ ترسره شوې
د کندهار ولايت د بدني روزنې او ورزش رياست اړوند د ملي او دوديزو لوبو مديريت له لوري د ياد ولايت مرکز اړوند په غازي محمدايوب خان لوبغالي کې د ۲۱ ورزشکارانو ترمنځ د تيږې اچونې سيالۍ ترسره شوې.
دغو سياليو، چې يوه ورځ یې دوام وکړ، په پايله کې احمد شاه لومړی، زين الله دويم او هېواد درېيم مقام ترلاسه کړ.
د يادو سياليو موخه ملي او دوديزو لوبو ته وده ورکول و، چې په پای کې غوره ورزشکارانو ته کپونه او مډالونه ورکړل شول.
