کندهار؛ په میوند ولسوالۍ کې د شپږو لوبډلو ترمنځ د فوټبال سیالۍ پای ته ورسېدې
د کندهار ولایت د بدني روزنې او ورزش رياست اړوند د فوټبال ملي فدراسیون د استازولۍ له لوري د ياد ولايت په ميوند ولسوالۍ کې د ( يووالي ) جام په نوم د شپږو ولسواليو لوبډلو ترمنځ د فوټبال ګروپي سیالۍ، چې څلور اوونۍ مخکې پيل شوې وې د ميوند ولسوالۍ لوبډلې په اتلولۍ پای ته ورسېدې.
د دغو سياليو په پايلوبه کې ميوند ولسوالۍ لوبډلې خپلې سيالې پنجوايي ولسوالۍ لوبډلې ته د ۵/۱ ګولونو په توپير ماتې ورکړه او اتلولي يې وګټله.
د يادو سياليو موخه د ورز شکارانو ترمنځ يووالی را منځته کول او ورزش ته د ځوانانو هڅول و، چې يادو سياليو په پای کې غوره لوبغاړو ته مډالونه، نغدې پیسې او چمتو شوې ډالۍ ورکړل شوې.
