بلخ؛ په مزار شريف ښار کې د ۱۲۰ چاپندازانو ترمنځ د وزلوبې سيالۍ وشوې
د بلخ ولايت د بدني روزنې او سپورټ رياست اړوند د وزلوبې، نيزه وهنې او سيمه ييزو لوبو ملي فدراسیون د استازولۍ له لوري د ياد ولايت په مرکز مزار شريف ښار کې د ۱۲۰ چاپندازانو ترمنځ د وزلوبې سيالۍ وشوې.
د دغو سياليو په پايله کې د ميدان حکم له لوري دوه اخرالاقه اعلان شول، چې لومړی اخرالاقه فريد پهلوان د فريد صراف پر اس او دوم اخر الاق بيا سرور پهلوان د حاجي علم بزاز پر اس تر حلالې دايرې ورسول او د سياليو گټونکي شول.
د ويلو ده، چې د دغو سياليو موخه د یاد ولایت غوره لیګ ته د چاپندازانو لا ښه چمتووالی او د يادې ولسوالۍ وگړو لپاره د سالمې تفريح برابرول وو، چې يوه ورځ يې دوام وکړ.
