بلخ ولايت کې د ۸۰ چاپندازانو ترمنځ وزلوبې سيالۍ ترسره شوې
د بلخ ولايت بدني روزنې او ورزش رياست اړوند د وزلوبې،نيزه وهنې او سيمه ييزو لوبو ملي فدراسيون د استازولۍ له لوري د ياد ولايت په بلخ ولسوالۍ کې د ۸۰ چاپندازانو ترمنځ وزلوبې سيالۍ ترسره شوې.
د دغو سياليو په پايله کې دميدان د حکم له لوري دوه اخرالاق اعلان شول، چې لومړۍ اخرالاق عبيدالله پهلوان د محمد سرور بای قريشي په آس او دويم اخرالاق کمال پهلوان د محمد سرور بای قريشي په آس تر حلالې دايرې ورساوه او سياليو ګټونکي شول.
د يادو سياليو ترسره کېدو موخه راتلونکو لوبو لپاره د چاپندازانو لا ښه چمتو والی او د ياد ولايت وګړو ته د سالمې تفريح برابرول وو، چې يوه ورځ يې دوام وکړ.
