په هلمند ولايت کې د ۱۶ کلنو فوټبال سيالۍ د ذکور لېسې په اتلولي پای ته ورسېدې.
دغه سيالۍ د ١٦ کلنو فوټبال منتخبې لوبډلې د انتخاب په موخه د هلمند ولايت د ٨ لوبډلو ترمنځ ترسره شوې وې او نن ۱۹/۸/۱۴۰۰ پای ته ورسېدې.
د دې سياليو پای لوبه د ذکور لېسې او غربي لېسې لوبډلو ترمنځ ترسره شوه چې په ټاکلي وخت ۱-۱ مساوي پای ته ورسېده او په پنالټي ضرباتو کې د ذکور لېسې لوبډلې وکولای شول، چې د غربی لېسې ته ۵-۴ ماتې ورکړي او اتلولی ترلاسه کړي.
د دغو سیالیو په پای کې د غوره لوبغاړي عنوان فرهاد جان، غوره ګول وهونکي لقب محمد حنیف او د غوره ګول ساتوونکئ عنوان مصطفی کاظمي ته ورکړل شول.
د یادولو وړ ده چې د مراسمو په پای کې پر لوبغاړو او لوبڅارانو جایزې وویشل شوې.
