پنجشېر عقابان لوبډلې د دې ولایت د فوټبال غوره لیګ سیالیو اتلولي خپله کړه
د پنجشېر ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په بازارک ښار کې د ۱۰ لوبډلو ترمنځ د فوټبال غوره لیګ سیالۍ د پنجشېر عقابان لوبډلې په اتلولۍ پای ته ورسېدې.
د دغو سیالیو په پایلوبه کې د پنجشېر عقابان لوبډلې خپلې سیالې الاتحاد بازارک لوبډلې ته د ۳/۰ ګولونو په توپير ماتې ورکړه او اتلولي یې خپله کړه.
د یادو سیالیو موخه د کال غوره لوبډله موندل و، چې یوه میاشت یې دوام وکړ.
د سیالیو په پای کې د وررش مسوولینو له لوري غوره لوبډلې ته د اتلولۍ جام او غوره لوبغاړو ته ستاینلیکونه او ورزشي ډالۍ ورکړل شوې.
