ارزګان؛ مرکز ترینګوټ کې د ۱۶ لوبډلو ترمنځ د ټېپ بال کرکټ سیالۍ د اتفاق لوبډلې په اتلولۍ پای ته ورسېدې
د ارزګان ولایت د بدني روزنې او ورزش امریت له لوري مرکز ترینکوټ په خانقه سیمه کې د ۱۶ لوبډلو ترمنځ د ټېپ بال کرکټ سیالۍ، چې یوه میاشت وړاندې پیل شوې وې د اتفاق لوبډلې په اتلولۍ پای ته ورسېدې.
د دغو سیالیو په پایلوبه کې عابد لوبډلې په ټاکلو ۱۴ اورونو کې د ۱۰ لوبغاړو له لاسه ورکولو سره اتفاق لوبډلې ته د ۱۳۰ منډو هدف وټاکه په مقابل کې اتفاق لوبډلې ټاکل شوی هدف د څلورو لوبغاړو په له لاسه ورکولو سره په اتو اورونو کې پوره او اتلولي یې خپله کړه.
د سیالیو په پای کې د ارزګان ورزش امریت له لوري غوره لوبغاړو ته ډالۍ او ستاینلیکونه ورکړل شول.
