اسټرالیا کرکټ ملي لوبډله ۲۴ کاله وروسته پاکستان ته د لوبو له پاره ځي

Afzal-af
اسټرالیا کرکټ ملي لوبډله ۲۴ کاله وروسته پاکستان ته د لوبو له پاره ځي

ټاکل شوې ده چې اسټرالیايۍ کرکټ ملي لوبډله له ۲۴ کلونو وروسته د روان کال مارچ مياسشت کې پاکستان ت لاړه شي او هلته له پاکستانۍ لوبډلې سره درې ټېسټ لوبې وکړي.

دا ټېسټ لوبې د مارچ په څلورمه نېټه پیلېږي او په پام کې ده چې راولپنډۍ، کراچۍ او لاهور ښارونه کې به وشي.

اسټراليا تېره ورځ د دې سیاليو له پاره خپل لوبډله هم اعلان کړه چې لوبډلمشري به يې تېز توپ اچونکی پټ کومېنز کوي.

په ۲۰۰۹ کال کې په سریلانکايۍ لوبډلې له برید وروسته نړیوالې لوبډلې پاکستان ته د لوبو له پاره نه ورتلې خو له ۲۰۱۵ کال وروسته ځينې لوبډلې د امنیتي ستونزو سره –سره بیا هم دې هیواد ته د لوبو له پاره د ورتګ زړه ښه کوي.

تر دې وړاندې به د پاکستان په کوربه توب ډېرې لوبې په متحده عربي اماراتو کې کېدې. خو تازه اسټرالیايۍ لوبډلې پاکستان کې د لوبو له پاره په داسې مهال زړه ښه کړی چې وړاندې تر دې نیوزیلنډ او انګلستان لوبډله د امنیتي دلایلو په خاطر لوبلړۍ پرېښودې.

دا چي پاکستان نشي کولی د نړیوالې لوبډلو کوربه توب په کور دننه وکړي، د دې هیواد کرکټ بورډ شاوخوا ۲٠٠میلیونه ډالر زیان ګاللی.