زابل کې د ۲۰ ورزشکارانو ترمنځ د جمناسټیک سيالۍ وشوې
د زابل ولايت د بدني روزنې او ورزش آمريت په همغږۍ، د جمناسټیک فدراسيون د استازولۍ له لوري د ياد ولايت په مرکز قلات ښار کې له دوو کلبونو ۲۰ ورزشکارانو ترمنځ د جمناسټیک سيالۍ وشوې.
دا سيالۍ د نويو ځوانانو او ځوانانو په عمري کټگوریو کې ترسره شوې، چې په پايله کې د مردان کلب ورزشکارانو د زياتو امتيازونو په ترلاسه کولو سره لومړی او روزي محمد کلب بيا دويم مقام خپل کړ.
