پکتیکا؛ یوسف خېلو ولسوالۍ کې د ۲۶ ورزشکارانو ترمنځ د سنوکر سیالۍ ترسره شوې
د پکتیکا ولایت د بدني روزنې او ورزش آمریت اړوند د سنوکر فدراسیون د استازولۍ له لوري د یاد ولایت په یوسف خېلو ولسوالۍ کې له درېیوو کلبونو د ۲۶ ورزشکارانو ترمنځ د سنوکر سیالۍ ترسره شوې.
د یادو سیالیو په پای کې محمد ایوب لومړی، محمد آصف دویم او جاوېد بیا درېیم مقام خپل.
دا سیالۍ سنوکر ورزش ته د ودې ورکولو په موخه ترسره شوې، چې یوه ورځ یې دوام وکړ.
