ننگرهار کې د ۸۰ ورزشکارانو ترمنځ د سوک وهنې سيالۍ وشوې
د ننگرهار ولايت د بدني روزنې او ورزش رياست اړوند د سوک وهنې فدراسيون د استازولۍ له لوري د جلال آباد ښار په پنځمې ناحيې ورزشي جمنازيوم کې له ۱۲ کلبونو څخه د ۸۰ ورزشکارانو ترمنځ د ځوانانو يووالي په موخه د سوک وهنې سيالۍ وشوې.
يادې سيالۍ، چې د ماشومانو، نويو ځوانانو، ځوانانو او لويانو ورزشکارانو په عمري کټگوريو کې ترسره شوې، په پايله کې له هرې گټکورۍ څخه لس تنو ورزشکارانو خپلو سيالانو ته په ماتې ورکولو سره برياوې خپلې کړې.
د ويلو وړ ده، چې دغو سیالیو يوه ورځ دوام وکړ او په پای کې گټونکو ورزشکارانو ته مډالونه او ستاینلکونه ورکړل شول.
