بلخ؛ مرکز مزارشریف ښار کې د ۱۱۵ تنو چاپندازانو ترمنځ د وزلوبې سيالۍ ترسره شوې
د بلخ ولايت د بدني روزنې او ورزش رياست اړوند د وزلوبې ملي فدراسيون د استازولۍ له لوري د ياد د مرکز مزارشریف ښار په مقيم بای ورزشي لوبغالي کې د ۱۱۵ تنو چاپندازانو ترمنځ د وزلوبې سيالۍ ترسره شوې.
د يادو سياليو په پايله کې د ميدان حکم له لوري دوه اخرالاقه اعلان شول، چې دواړه اخرالاقه د مصطفی پهلوان له لوري د محمد سردار ولي ګران په اس سپور خوسی تر حلالې دايرې ورساوه او د سياليو گټونکی شو.
د یادولو وړ ده، چې د دغو سياليو د ترسره کېدو موخه راتلونکي لوبو لپاره د چاپندازانو لا ښه چمتو والی و، چې يوه ورځ يې دوام وکړ.
