خوست کې د لسو لوبډلو ترمنځ د ټېپ بال کرکټ سيالۍ پای ته ورسېدې
د خوست ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د نادرشاه کوټ ولسوالۍ په قلندر اباد کلي کې د لسو لوبډلو ترمنځ د ټېپ بال کرکټ سيالۍ، د عتيق الله مراد لوبډلې په اتلولۍ پای ته ورسېدې.
د يادو سياليو پايلوبه د عتيق الله مراد او محبت ځدراڼ لوبډلو ترمنځ ترسره شوه، چې محبت ځدراڼ لوبډلې د لوبې پچې په گټلو سره په ټاکلو لسو اورونو کې د شپږو لوبغاړو په سوځېدو سره سیالې لوبډلې ته د ۱۳۵ منډو هدف وټاکه، په مقابل کې عتيق الله مراد لوبډلې ياد هدف په اتم اور کې ترلاسه کړ او پایلوبه يې د اوو ويکټو په توپير وگټله.
