ننگرهار؛ په کوټ ولسوالۍ کې د ۴۰ لوبډلو ترمنځ د ټېب بال کرکټ سيالۍ پای ته ورسېدې
د ننگرهار ولايت د بدني روزنې او ورزش رياست په همغږۍ د ياد ولايت په کوټ ولسوالۍ کې د ۴۰ لوبډلو ترمنځ د ټېپ بال کرکټ سيالۍ د حېدر خانې سټار لوبډلې په اتلولۍ پای ته ورسېدې.
د يادو سياليو پايلوبه د حېدر خانې سټار او التقواء PVC لوبډلو ترمنځ ترسره شوه، التقواء PVC لوبډلې د لوبې پچې په گټلو سره په ټاکلو لسو اورونو کې د اتو لوبغاړو په سوځېدو سره سیالې لوبډلې ته د ۱۰۵ منډو هدف کېښود، حېدر خانې سټار لوبډلې ياد هدف په اووم اور کې ترلاسه کړ او د شپږو ويکټو په توپير يې بريا خپله کړه.
دغه سيالۍ، چې شاوخوا يوه مياشت يې دوام وکړ، موخه يې ملي يووالی و او په پای اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
