غزني؛ جاغوري ولسوالۍ کې د ۱۳ لوبډلو ترمنځ د والیبال سیالۍ د باطورخېل لوبډلې په اتلولۍ پای ته ورسېدې
د غزني ولایت د بدني روزنې او ورزش امریت له لوري د یاد ولایت جاغوري ولسوالۍ له بېلا بېلو کلیو د ۱۳ لوبډلو ترمنځ د والیبال سیالۍ د باطورخېل لوبډلې په اتلولۍ پای ته ورسېدې.
دغو سیالیو چې درې اوونۍ یې دوام وکړ پایلوبه کې د باطورخېل لوبډلې خپلې سیالې نوین قوغذار لوبډلې ته د ۳/۱ امتیازونو په توپیر ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او د لوبغاړو ترمنځ یووالی رامنځته کول و.
د سیالیو په پای کې غوره لوبډلې ته کپ، مډالونه، جایزې او ستاینلیکونه ورکړل شول.
