پکتیا والي شمیم خان کټوازي د تربیت بدنی او ورزش ریاست د جمنازیوم له ترسره شویو ودانیزو چارو لیدنه وکړه.
پکتیا والي شمیم خان کټوازي د تربیت بدنی او ورزش ریاست د جمنازیوم له ترسره شویو ودانیزو چارو لیدنه وکړه. کټوازي صیب مسؤلینو ته له دغې پروژې څخه د لازم څار سپارښتنه وکړه، په لیدنه کې د پکتیا بدني روزنې امر سحر پکتیاوال او ورسره د چارو رییس صاحبان هم وو. دغه جمنازیوم د ګردېز ښار په دویمه ناحیه کې د اویا مېلیونه افغانیو په لګښت جوړیږي چې د بېلابېلو لوبو لپاره به یو لوی لوبغالی، د درې زره تنو نندارچیانو د ناستې ځای، د لوبغاړو د تمریناتو لپاره دوه سالونونه، د سپورتي ټولنو او فدراسیونونو لپاره د کنفرانسونو دوه تالارونه، اداري خونې او نور اړین ملحقات ولري. په ۱۳۹۹ کال کې د دغه جمنازیوم د ودانیزو چارو له بشپړېدو سره به د پکتیا ورزشکاران د لومړني معیاري جمنازیوم څښتنان شي.
