په کندز کې د ۱۰۰ ورزشکارانو ترمنځ د کورش ازادې سيالۍ ترسره شوې
د کندز ولايت د بدني روزنې او ورزش رياست اړوند د کورش فدراسيون د استازولۍ له لوري په آبدان دښته کې د ۱۰۰ ورزشکارانو ترمنځ د کورش ازادو سياليو تر څنگ د رسۍ کشولو او خوسي دوستانه سيالۍ هم ترسره شوې.
په دغو سياليو کې د ياد ولايت د بدني روزنې او ورزش رييس قاري عزت الله سنان، د کورش فدراسيون مسؤل محمد انورجي، قومي مخورو، د دولتي ادارو مسوولينو او د يادو سياليو کڼ شمېر مينوالو گډون کړی وو.
د يادو سياليو د ترسره کېدو موخه خلکو ته د سالمې تفريح برابرول ښودل شوي وو، چې دوې ورځې يې دوام وکړ.
