ننگرهار؛ بټي کوټ ولسوالۍ کې د ITF تکواندو کلب پرانيستل شو
د ننگرهار ولايت د بدني روزنې او سپورټ رياست اړوند د تکواندو فدراسيون د استازولۍ له لوري په بټي کوټ ولسوالۍ کې د استاد احمد شاه تر څارنې لاندې د شاوخوا (۲۰۰٫۰۰۰ ) دوه سوه زره افغانيو په ارزښت د ITF تکواندو کلب پرانيستل شو.
د ياد کلب د پرانيستلو په مراسمو کې د ورزشکارانو له لوري د نمايشاتو ترڅنگ، اووه تنو ورزشکارانو ته تور، شپږ تنو ته سره او اووه تنو ورزشکارانو ته ژېړ کمربندونه هم وتړل شول.
دا په داسې حال کې ده، چې د ا.ا په راتگ سره په ياد ولايت کې په وروستیو مياشتو کې دې ته ورته نور کلبونه هم پرانيستل شوي دي.
