کندز؛ د ۹۰ چاپندازانو ترمنځ د وزلوبې دوې ورځنۍ سیالۍ ترسره شوې
د کندز ولایت د بدني روزنې او سپورټ ریاست او وزلوبې فدراسیون د استازولۍ له لوري سره د درې ولایتو د ۹۰ چاپندازانو ترمنځ د وزلوبې دوې ورځنۍ سیالۍ وشوې.
په ډې سیالیو کې د بغلان، تخار او کندز ولایتونو چاپندازانو ګډون کړی و، چې د میدان د لوبڅار له لوري دوه اخرالاق اعلان شول.
د یادو سیالیو لومړی اخرالاق ذبیح الله پهلوان د حاجي ظاهرنور زاخیل پر آس تر حلالي دایرې ورساوه او ٢٠٠ ډالره جایزه یې ترلاسه کړه او دویم اخرالاق امان الله پهلوان د حاجي عبدالستار الهام پر آس تر خط ورساوه چې ۳۰۰ ډالره نقدي جایزه یې وګټله.
په یادو سیالیو کی د کندز ولایت د بدنی روزنې او ورزش ریاست، د وزلوبې فدراسیون د نمائيندهګۍ، د کورش فدراسیون د نمائيندهګۍ، مسئولانو او د ورزش ګڼو مینوالو ګډون کړی و.
