خوست کې د ۵۰ لوبډلو ترمنځ د فوټبال ۳ میاشتنی ټورنمېنټ نبي ورغه لوبډلې وګاټه
د خوست ولایت د فوټبال فدراسیون د استازولۍ په چوکاټ کې د لکڼو ځوانانو له لوري د یاد ولایت له بېلابېلو سیمو د ۵۰ لوبډلو په ګډون د فوټبال ۳ میاشتنۍ سیالۍ د نبي ورغه لوبډلې په بریا پای ته ورسېدې.
د سیالیو پایلوبې ته د لټکو شاهین او نبي ورغه کلي لوبډلې ووتلې، چې د له یوې خوندورې لوبې وروسته یوه لوبډله هم ونه توانېدله، چې ګول ترسره کړي؛ خو په رننیګ پینالټیو کې د نبي ورغه کلي لوبډلې یاده پایلوبه د ۳-۴ ګولونو په توپیر وګټله او بریا یې خپله کړه.
د پای لوبې په مراسمو کې د خوست مرستیال والي الحاج مولوي محبوب شاه قانت، د خوست ورزشي آمر عطاءالله کډوال، د فوټبال فدراسیون مشر ریبار هڅاند، د سیمې مشرانو، ځوانانو او د ورزش ګڼ شمېر مینه والو او ننداره چیانو ګډون کړی و.
د یادونې ده، چې ګټونکې لوبډلې او غوره لوبغاړو ته بېلابېلې جایزې ورکړل شوې.
