ننګرهار؛ چمتله کې د شاهين تکواندو اکاډمۍ ورزشکارانو ته رنګه کمربندونه وتړل شول
د ننګرهار ولايت د بدني روزنې او ورزش رياست په لارښوونه او د تکواندو فدراسيون په همغږۍ د شاهين تکواندو کلب له شاوخوا ۵۵ تنو ورزشکارانو څخه ازموینه واخیستل شوه، چې ۴۰ تنو بریالیو ته یې رنګه کمربندونه وتړل شول.
له یادو ورزشکارانو څخه تېره اوونۍ د ننګرهار ولايت د تکواندو فدراسيون د ازموینې کمېټې ازموینه اخیستې وه، چې ۴۰ بریالیو ورزشکارنو ته ابي، شنه، نیمه شنه او ژېړ کمربندونه وتړل شول.
په یادو مراسمو کې د تکواندو سیالۍ او نمایشونه هم ترسره شول، چې د ننګرهار ولايت د تکواندو او پهلوانۍ فدراسیون مسوولانو، ورزشکارانو او ګڼ شمیر مينوالو پکې برخه اخيستي وه.
د يادولو وړ ده، چې د شاهین تکواندو کلب مشر ته د ننګرهار ولايت د بدني روزنې او ورزش رياست له لوري د ښې کارکردګۍ په موخه یو کپ هم ډالۍ شو.
