هلمند؛ په ګرمسېر ولسوالۍ کې د اتو لوبډلو ترمنځ د فوټبال سیالۍ پیل شوې
د هلمند ولایت ګرمسېر ولسوالۍ د هزار جفت حوزې په کوربتوب د اتو حوزو د فوټبال لوبډلو ترمنځ د فوټبال ناک اوټ سیالۍ پیل شوې.
د دغو سیالیو لومړۍ لوبه د صفار لېسې او امیر بلند اغا لوبډلو ترمنځ ترسره شوه، چې په پایله کې صفار لېسې خپلې سیالې لوبډلې ته د ۴-۱ میدانونو په توپیر ماتې ورکړه او بریا یې خپله کړه.
دغه سیالۍ چې یوه نیمه اوونۍ به دوام وکړي موخه یې د ورزشکارانو ترمنځ د تجربو شریکول او همدارنګه ورزش ته ځوانانو هڅول دي.
