د افغانستان تر شلو کلنو کم عمره فوټبال ملي لوبډلې خپله درېيمه سيالي ايران ته وبايلله
د افغانستان د ځوانانو له شل کلنو کم عمره فوټبال ملي لوبډلې د مرکزي اسیا سیالو په لړ کې نن په زسکا لوبغالي کې خپله درېیمه سيالي له ایران سره ترسره کړه، چې په پایله کې یې د ايران له لوبډلې څخه د ۴-۱ ګولونو په توپير ماتې وخوړه.
دا په داسې حال کې ده، چې افغان لوبډلې تر دې مخکې په یادو سیالیو کې دوه سيالۍ ترسره کړې وې، چې په لومړۍ سيالۍ کې يې ترکمنستان هيواد ته د ۲-۱ ګولونو په توپير ماتې ورکړې وه او دويمه سيالي يې له تاجکستان هيواد سره ترسره کړه، چې په پايله کې يوـ یو ګول مساوي پای ته ورسېده.
