په لغمان کې د واليبال رمضان جام سيالۍ پيل شوې
د لغمان ولايت د بدني روزنې او ورزش امريت په غوښتنه د دغه ولايت د والیبال فدراسیون له لوري تېره ورځ د شپږو لوبډلو ترمنځ د والیبال رمضان جام سیالۍ پيل شوې.
د يادو سياليو لومړۍ لوبه د سولې ارمان راډيو او حاجي پردېس لوبډلو ترمنځ ترسره شوه، چې په پايله کې سولې ارمان لوبډلې خپلې سيالې لوبډلې ته د ۳_۰ ميدانونو په توپير ماتې ورکړه او بريا يې خپله کړه.
بايد يادونه وشي چې د يادو سياليو موخه له نشه يي موادو سره مبارزه ياده شوې ده.
