کابل کې د ۵۵ لامبو وهونکو ترمنځ د لامبو وهنې سيالۍ وشوې
د المپيک، بدني روزنې او ورزش عمومي ریاست اړوند د اوبو ورزشونو ملي فدراسیون له لوري د کابل ښار په باران اوبو ورزشي مجتمع کې د کابل ولايت له بېلابېلو پوهنتونونو ۵۵ لامبو وهونکو ترمنځ د لامبو وهنې لومړی پړاو سيالۍ وشوې.
دا سيالۍ په څلورو سبکونو کې وشوې، چې په پايله کې يې مهر داد په فري ستايل، ذکرالله په بریسټ سټروک، احمد ادريس په بیک سټروک او محمد بصير په بټر فلای سبک کې لومړي مقامونه خپل کړل.
دا سيالۍ په پوهنتونونو کې د نويو استعدادونو موندلو او سالم رقابت په موخه ترسره شوې، چې يوه ورځ يې دوام وکړ.
