کابل کې د اتو لوبډلو ترمنځ د زونونو په کچه د فوټسال سیالۍ پای ته ورسېدې
د فوټبال ملي فدراسیون اړوند فوټسال ملي کمېټې له لوري د هیواد د زونونو په کچه د اتو لوبډلو ترمنځ د فوټسال سیالۍ د کابل دلاور زاده دره ترکمن لوبډلې په اتلولي پای ته ورسېدې.
د یادو سیالیو پایلوبه کې د کابل دلاور زاده دره ترکمن لوبډلې د ٩ پر ٤ ګولونو په توپیر خپلې سیالې بلخ احمدي اف سي لوبډلې ته ماتې ورکړه او اتلولي یې وګټله.
د یادو سیالیو د پای په مراسمو کې د ورزش ادارې عمومي رئیس مولوي احمدالله وثیق، د یاد ریاست فني او مسلکي مرستیال حافظ احمدجان ځدراڼ، د فوټسال کمېټې مرستیال فرید احمد یوسفزي او نورو مسؤولانو ګډون کړی و.
دا سیالۍ د زونونو په کچه د غوره استعدادونو موندلو په موخه ترسره شوې، چې لس ورځې یې دوام وکړ.
