پکتيکا؛ سروبي ولسوالۍ کې د ۲۲ لوبډلو ترمنځ د ټېپ بال کرېکټ سيالۍ پای ته ورسېدې
د پکتيکا ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د ياد ولايت په سروبي ولسوالۍ کې د ۲۲ لوبډلو ترمنځ د ټېپ بال کرېکټ سيالۍ د بهادر جان لوبډلې په اتلولۍ پای ته ورسېدې.
د يادو پايلوبه د شاه برات او بهادرجان لوبډلو ترمنځ وشوه، د لوبې پچه شاه برات لوبډلې وگټله او لومړی يې د توپ وهنې پرېکړه وکړه، چې په ټاکلو لسو اورونو کې يې د اتو لوبغاړو په سوځېدو سره خپلې سيالې لوبډلې ته د ۱۲۹ منډو هدف وټاکه، په ځواب کې بهادر خان لوبډلې ياد هدف په اووم اور کې ترلاسه کړ او لوبه يې د پنځو ویکټو په توپیر وگټله.
