هلمند؛ نادعلي ولسوالۍ کې د ۱۲ لوبډلو ترمنځ د فوټبال سيالۍ پای ته ورسېدې
د هلمند ولايت د بدني روزنې او ورزش آمريت په همغږۍ، د فوټبال فدراسیون د استازولۍ له لوري د نادعلي ولسوالۍ په مرکزي لوبغالي کې د ۱۲ لوبډلو ترمنځ د فوټبال گروپي سيالۍ د هلمندي ستورو لوبډلې په اتلولۍ پای ته ورسېدې.
د يادو سياليو په پايلوبه کې هلمندي ستورو لوبډلې خپلې سيالې ډاکټر محمد خان لېسې لوبډلې ته د ۵ پر ۴ گولونو په توپیر ماتې ورکړه او اتلولي يې وگټله.
دا سيالۍ د ځوانانو د سالمې بوختيا په موخه وشوې، چې شاوخوا ۲۰ ورځې يې دوام وکړ.
