کابل کې د فني او مسلکي ریاست او المپیکي فدراسیونونو ترمنځ د همغږي ګډه ناسته ترسره شوه
د المپیک، بدني روزنې او ورزش عمومي ریاست اړوند فني او مسلکي ریاست او د المپیکي فدراسیونونو استازو ترمنځ د همغږي ګډه ناسته ترسره شوه.
دغه غونډه، چې د ورزش ادارې فني او مسلکي رئیس محمد یوسف افتخار په مشري ترسره شوه، پکې د المپیکي فدراسیونونو رئیسانو او استازو ګډون کړی و او د ورزش د ودې، د ورزشکارانو د عصریې، د ورزشي توکو د چمتو کولو او نورو مهمو موضوعاتو په اړه یې خپل نظریات شریک کړل.
د ورزش ادارې فني او مسلکي رئیس محمد یوسف افتخار وویل، چې هڅه کوي په راتلونکي ښه پلانګذاري وکړي، د ورزش ادارې او المپیکي فدراسیونو ترمنځ د ښې اعتماد سازي فضأ پراخه شي او د فدراسیونونو ستونزو ته پر وخت رسېدنه وشي. دغه راز ټول فدراسیونونه باید په ځانګړي شوي ډېټابېس کې ثبت شي، د ورزشکارانو د عصریې د سهمیې جوړلو لپاره ځانګړې شوې کمېټه کار وکړي.
ښاغلي افتخار د المپیکي فدراسیونونو استازو سره ژمنه وکړه، چې د ستونزو د حل او د ورزش د ودې لپاره به دوامداره ناستې ترسره کوي.
