خوست؛ مندوزیو ولسوالۍ کې د لوبغاړو ترمنځ د جوجیتسو سیالۍ ترسره شوې
د خوست ولایت د بدني روزنې او ورزش آمریت له لوري د یاد ولایت په مندوزیو ولسوالۍ کې له پنځو کلبونو د ٣٠ ورزشکارانو ترمنځ د جوجیتسو سیالۍ ترسره شوې.
د یادو سیالیو په پای کې مرکزي کلب په اتو بریاوو سره لومړی، سنګین کلب په څلورو بریاوو سره دویم او څرګند کلب بیا په درېیوو بریاوو سره درېیم مقام خپل کړ.
دا سیالۍ له نشه یي توکو څخه د ځوانانو د مخنیوي په موخه ترسره شوې، چې یوه ورځ یې دوام وکړ.
