له۱۷ کلونو کم عمره فوټبال ملي لوبډله د منځنۍ اسیا ۲۰۲۶ اتلولي سیالیو کې د ګډون په موخه ازبکستان ته روانه شوه
له ۱۷ کلونو کم عمره فوټبال ملي لوبډله د منځنۍ اسیا ۲۰۲۶ اتلولي سیالیو کې د ګډون په موخه د ازبکستان پلازمېنې تاشکند ته روانه شوه.
د خدای پامانۍ مراسمو کې دغې لوبډلې د ورزش ادارې رهبري سره ولیدل، په دغه لیدنه کې د ورزش ادارې عمومي رییس مولوي احمدالله وثیق لوبغاړو ته په سیالیو کې په پوره کوشش او ژمنتیا د لوبېدو سپارښتنه او په پای کې په دغو سیالیو کې د کامیابۍ دعا وکړه تر څو له لاسته راوړنو ډک لاس هېواد ته راستانه شي.
یادې سیالۍ د پنځه هېوادونو په ګډون د روانې میلادي میاشتې پر ۵مه پیلېږي او تر ۱۴مې به دوام وکړی، چې افغانستان به خپله لومړۍ لوبه کې راتلونکې دوشبه( د اپرېل ۶مه) د قرغزستان پر وړاندې سیالۍ ډګر ته ښکته شي
