کونړ؛ سرکاڼو ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پای ته ورسېدې
د کونړ ولایت د بدني روزنې او ورزش آمریت له لوري د یاد ولایت په سرکاڼو ولسوالۍ کې د ٢٤ لوبډلو ترمنځ د ټېپ بال کرېکټ سیالۍ د ننګرهار ستوري لوبډلې په اتلولي پای ته ورسېدې.
د یادو سیالیو پایلوبه کې ننګرهار ستوري لوبډلې له خپل ١٥٨ منډو هدف څخه دفاع وکړه او د ٣٢ منډو په توپیر یې خپلې سیالې چینګۍ لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه اوونۍ یې دوام وکړ.
